Ndodh shpesh që ndonëse jeni në gjumë të thellë, zgjoheni papritur nga një dhimbje e fortë koke që godet.
Dhimbja e kokës që godet natën është krejt ndryshe nga dhimbja e zakonshme e kokës.
Kjo nuk është dhimbja e natës.
Dhimbjet e kokës shkaktohen nga faktorë të ndryshëm.
Dhimbja hipnike
Kjo dhimbje ndodh gjatë natës ose kur dremisni. Dhimbja është e mprehtë dhe zgjat nga 15 minuta deri në dy orë.
Kjo dhimbje shpaloset kryesisht tek njerëzit mbi 50 vjeç.
Dhimbja e kokës si pasojë e ushqimeve
Disa ushqime që hahen me tepricë shkaktojnë ndryshime në organizëm.
Bëhet fjalë për ushqime të konservuara, jo të shëndetshme që nëse hahen në darkë, shkaktojnë dhimbje koke në mes të natës.
Djathi dhe produktet e bulmetit shkaktojnë inflamacion dhe dhimbje koke, ndaj nuk duhen ngrënë shumë në darkë.
Dhimbja e kokës si pasojë e sinozitit
Dhimbja e sinozitit prek veshët dhe kokën.
Dhimbja përkeqësohet gjatë natës, nëse ajri është shumë i thatë.
Dhimbja shpërthyese
Ndjesia sikur koka do të të shpërthejë nga momenti në moment është një sindromë e pranuar shkencërisht.
Kjo dhimbje bën pjesë në çrregullimet e gjumit.
Ajo del në pah pikërisht kur dëshironi të flini gjumë dhe nuk flini dot, dhe prek më shumë femrat.
Dhimbjet e akumuluara
Bëhet fjalë për një lloj migrene që prek më shumë meshkujt.
Këto dhimbje shfaqen dy ose tre orë pasi keni rënë në gjumë.
Dhimbjet janë intensive dhe afatshkurtër. Ato zgjasin 15 minuta deri në gjysëm ore.
Dhimbja është në një zonë të caktuar të kokës, pas syrit dhe mund të prekë edhe qafën.
Kjo dhimbje mund të shoqërohet edhe me inflamacion të syrit, lëngëzim të syve dhe hundë të bllokuara.
Këto dhimbje janë kronike.
Nëse keni dhimbje të tilla të përsëritura në kohë dhe intensitet, AgroWeb.org ju rekomandon të konsultoheni me një mjek, pasi përmes simptomave mund të zbuloni sëmundje të fshehta, të cilat organizmi i shfaq përmes dhimbjes./AgroWeb.org