Çdo bregdet në SHBA po përballet me rritje të shpejtë të nivelit të baticës.
NASA thotë se kjo vjen për shkak të një “lëkundjeje” në orbitën e hënës, që bashkëvepron me rritjen e niveleve të detit të nxitura nga ndryshimet klimatike.
Studimi i ri nga NASA dhe Universiteti i Hawaii, botuar së fundmi në revistën Nature Climate Change, paralajmëron se ndryshimet e ardhshme në orbitën e hënës mund të çojnë në përmbytje rekord në Tokë në dekadën e ardhshme.
Përmes hartës së skenarëve të ngritjes së nivelit të detit, studiuesit zbuluan se përmbytja në qytetet bregdetare amerikane mund të jetë disafish më keq në vitet 2030, kur “lëkundja” e hënës tjetër pritet të fillojë.
Ata presin që përmbytja të dëmtojë ndjeshëm infrastrukturën dhe të zhvendosë komunitetet civile.
Ndërsa studimi nxjerr në pah situatën e rëndë me të cilën përballen qytetet bregdetare, ‘lëkundja hënore’ është në të vërtetë një dukuri natyrore, raportuar së pari në 1728.
Orbita e hënës është përgjegjëse për kohën e baticave të larta dhe të ulta rreth çdo 18.6 vjet.
“Në gjysmën e ciklit 18.6-vjeçar të Hënës, baticat e rregullta ditore të Tokës shtypen: baticat e larta janë më të ulëta se normalisht, dhe baticat e ulëta janë më të larta se normalja”, shpjegon NASA.
Ngritja globale e nivelit të detit shtyn baticat e larta në vetëm një drejtim – më lart. Pra, gjysma e ciklit hënor 18.6-vjeçar i kundërvihet efektit të ngritjes së nivelit të detit në baticat e larta, dhe gjysma tjetër rrit efektin “.
Por kësaj here, shkencëtarët janë më të shqetësuar. Me rritjen e nivelit të detit për shkak të ndryshimit të klimës, përmbytjet e rrymës së lartë pritet të jenë më intensive dhe më të shpeshta se kurrë më parë, duke përkeqësuar parashikimet tashmë të zymta./ cbsnews/