Ka mbërritur sot në prokurori shoferi i autobusit me targa të Kosovës që pësoi aksidentin tragjik në Kroaci.
Ai do të merret në pyetje në Zyrën e Prokurorit të Shtetit, ku pritet të merret vendimi për rrjedhën e mëtejshme të procedurave.
Pra, do të vendoset nëse do të lirohet apo do të mbetet në paraburgim. Pamjet e publikuara nga mediat kroate, tregojnë momentin kur shoferit del nga vetura e policisë kroate dhe drejtohet për tek prokurori.
Ai dje pranoi se për një moment e kishte zënë gjumi mbi timon duke shkaktuar tragjedinë me 10 viktima.
Nëntë pasagjerë dhe shoferi i dytë i autobusit nuk arritën që të mbijetonin, ndërsa 42 u lënduan, 15 në gjendje më të rëndë dhe 15 janë akomoduar nga autoritetet kroate. Sot Kosova e ka shpallur ditë zie.
