Në përpjekje për të vënë nën kontroll situatën epidemiologjike në vend, duke nisur nga dita e sotme në Itali hyn në fuqi Certifikata e Vaksinimit.
Green Pass nga sot u bë e detyrueshme edhe për udhëtarët të cilët frenkuentojnë trenat, aeroplanët, anijet dhe autobusët ndërqytetas.
Pavarësisht protestave të shumta në vend, kabineti i Mario Draghi-t vendosi që të zgjerojë kërkesën për pasaportën e gjelbërt për të gjthë mësuesit, studentët edhe për transportin në largësi të madhe, duke filluar nga 1 shtatori.
Me masën e re, mësuesit nuk do të mund të punojnë pa këtë certifikatë dhe pas pesë ditësh mungesë, nuk do të paguhen më.
Qeveria italiane tashmë ka vendosur që nga 6 gushti, ky dokument do të kërkohet për ata që duan të hanë brenda restoranteve dhe për një varg shërbimesh e aktivitetesh.
Të gjitha këto masa janë marrë për parandalimin e përhapjes së variantit të ri të Covid-19, “Deltës”.
