Një zjarr ka rënë pasditen e sotme në një magazinë në qytetin e Lushnjës. Si pasojë e flakëve është shkrumbuar gjithçka që gjendej në ambientet e brendshme të magazinës së vjetër.
Bëhet me dije se ambienti që u dogj përdorej nga një fermerë i fshatit Zham si vendmbajtje për veglat e punës, përfshirë pompa vaditjeje, tubo uji, dhe plasmase për sera.
Ndërhyrja në kohë e zjarrfikësve bëri të mundur neutralizimin e flakëve dhe mospërhapjen e tyre në tokat bujqësore dhe serat shumë pranë magazinës.
