Në drejtim të një autobusi me nxënës në Kosovë është qëlluar me breshëri plumbash. Sipas raportimit të mediave kosovare si pasojë ka gjetur vdekjen shoferi i mjetit, Gani Gjoka, dy nxënës, përkatësisht Ledion Hamzaj dhe Gentiana Mustafaj, 16 dhe 17 vjeç, ndërsa dy nxenës të tjerë kanë mbetur të plagosur.
Ngjarja ka ndodhur në fshatin Gllogjan të Deçanit, ndërsa rrethanat e ngjarjes janë ende të paqarta për policinë që ka mbritur me urgjencë në vendin e krimit të rendë dhe po vijon hetimet intesnive për zbardhjen e kësaj ngjarjeje me pasoja tragjike.