Një shpërthim i fortë tritoli ka ndodhur mbrëmjen e djeshme pranë shtëpisë së kreut të FSHF, Armand Duka në Durrës.
Mësohet se ngjarja ka ndodhur në lagjen nr.4, ku shpërtheu një sasil lënde plasëse. Fatmirësisht, nga shpërthimi ka patur vetëm disa dëme të vogla materiale.
Pamjet që shihni vijnë nga jashtë baneses se Dukës, në qytetin bregdetar të Durrësit.
“Kamerat e hyrjes i kanë filmimet, duket një njeri me kapuç që afrohet te porta dhe vë dinamitin te mekanizmi që hap e mbyll portën”, deklaroi ai.
Në momentin e shpërthimit në banesë ka qenë djali dhe gruaja e Armand Dukës, ndërsa shpërthimi ka qenë i fortë.
“E ka dëgjuar i gjithë Durrësi, vunë dinamit te dera e shtëpisë. Në banesë ishin djali dhe gruaja, unë sapo erdha. Nuk e di, uroj që të jetë rastësi”, tha ai.
