Këngëtares së famshme, Katy Perry, i ka ndodhur një incident i pakëndshëm në episodin e së dielën në “American Idol”. Ajo kishte zgjedhur një veshje të pazakontë pasi u shfaq e veshur si sirena Ariel, e pikërisht kjo e bëri atë që të binte nga karrigia.
Në momentin që Katy ra, menjëherë shkuan pranë saj anëtarët e tjerë të jurisë, Lionel Richie dhe Luke Bryan. Gjithashtu edhe prezantuesi i spektaklit, Ryan Seacrest, vrapoi nga skena drejt asaj sapo dëgjoi zhurmën.
Në pamjet e publikuara nga mediat e huaja shihet momenti kur 37-vjeçarja e veshur me kostumin e personazhit të famshëm të animuar bie në dysheme me këmbët përpjetë.
“A jeni mirë?”, e pyeti Ryan, ndërsa Katy u përgjigj “Po”.
“Ajo është mirë”, tha Ryan ndërsa e ngritën dhe e çuan përsëri në karrigen e saj.
Ndërsa publiku më pas shpërtheu në brohorima ‘Katy! Katy! Katy!’ dhe ajo vetëm buzëqeshi.
Ndërkohë video e saj është bërë menjëherë virale në mediat sociale. Katy Perry është anëtare e jurisë së “American Idol” që nga viti 2018.
