Kishin ardhur për pushime në Shqipëri por nuk e dinin që për disa udhëtimi do kthehej në aventurë e për disa jeta do merrte fund tragjikisht. Statistikat ishin jo të mira për turistët e huaj këtë javë në vendin tonë, pasi diku një aksident e diku tjetër një incident gjatë ecjes në shtigjet e thepisura të maleve i morën jetën 3 turistëve.
Të premten, dy turistë polakë, burrë e grua, përkatësisht Waldemar Makowski dhe Marta Makowska, po bënin tour-in e tyre nëpër Shqipëri me motor. Por një aksident tragjik në qytetin e Shkodrës, i dha fund jo vetëm udhëtimit por edhe jetës së tyre.
