Një incident i rëndë ka ndodhur në portin Akaba në Detin e Kuq në Jordani, ku 12 persona kanë humbur jetën.
Gjithçka u shkaktua nga një rrjedhje e gazit toksik të klorit, i cili po eksportohej në Xhibuti, por gjatë zhvendosjes nga kontejneri, fuçia është rrëzuar mbi anije duke shpërthyer.
Përveç 12 viktimave, shumë persona të tjerë janë plagosur, ndërsa autoritetet u kanë kërkuar banorëve që jetojnë pranë zonës ku ka ndodhur ngjarja që të mbyllin dritaret dhe të qëndrojnë brenda pasi gazi toksik mund të shkaktojë situata serioze.
Ekipet e specializuara duke përfshirë aeroplanët e evakuimit janë vendosur nga Shërbimi i Mbrojtjes Civile, ndërsa po përpiqen të kenë në kontroll situatën.