Uzina Dinamo, Rruga Memo Meto, Tiranë

“Sot është dita e së vërtetës”/ Erion Braçe plas deklaratat e forta në Kuvend, acarohet ministrja Frida Krifca. (REPLIKAT)

-800-0-62c6d165a0856

Ministrja e Bujqësisë Frida Krifca dhe zv/kryeministri Erion Braçe janë përplasur ashpër në Kuvend në lidhje me kushtet që ofron tregu për prodhimin vendas.

Braçe përmendi me emra disa nga kompanitë që sipas tij abuzojnë në treg. “Fraeno ka shitur në Kosovë, njëherë me 12 në Kosovë dhe për pak minuta nis kamionin tjetër me 14 cent. Po luajnë lojë edhe me Kosovën. Doni Fruits brenda ditës një kamion me 12, dy kamionë me 11 cent në të njëjtin vend, ia shet vetes”, u shpreh ai.

Ministrja e Bujqësisë i kërkoi Braçes të ulë zërin ndërkohë që theksoi se përmendja e kompanive private është e panevojshme.

“Nuk e kuptoj pse duhet bërtitur ndërkohë që unë jam një hap larg dhe mund t’ju dëgjoj. Këto nuk janë surprizë dhe as i kam krijuar unë, Unë prisja nga kolegët e mi që të dënojnë atë që opozita bëri javën e kaluar. Zonja këtu ishte prezent.

Për këtë gjë do prisja pak mirëkuptim nga ju. Nuk ka ndodhur kurrë që ne të kemi pasur në skemën kombëtare 30 mijë përfitues në datën 7 korrik. Skema është përthithur 10-15%. Mund të bëjmë analizën se sa fermerë kanë aplikuar. Keni shumë të drejtë të kërkoni më shumë buxhet. Duhet më shumë buxhet por ky vit ka buxhetin më të lartë ndonjëherë, Ne i kemi ftuar aplikantët por ka disa kritere përjashtuese.

Duhet të plotësojnë faturat dhe t’i sjellin. Nuk mund të paguajë AZHBR pagesa ndaj fermerëve në rënie të lirë. Nuk jam dakord me përmendjen e emrave të subjekteve këtu. Ministria ka në dorë instrumente, kur çmimi përcaktohet nga oferta dhe kërkesa. Unë do preferoja të orientojmë politikat tona aty ku ne mund të dimë të bëjmë punën tone”, deklaroi Krifca.

Related Posts

Leave a comment