Largimi i David Ospinës nga Napoli ka sjellë një boshllëk në skuadrën e drejtuar nga Luçiano Spaleti.
Trajneri italian nuk i beson Meretit si portier të parë, kështu kërkon një tjetër si titullar.
Kështu Napoli është hedhur në sulm për gardianin e Çelsit, Kepa Arrizabalaga. Spanjolli nuk është më i lumtur te Çelsi dhe kërkon një skuadër ku do të mund të luajë rregullisht dhe të fitojë një vend në Kupën e Botës “Katar 2022”.
Nga ana tjetër, edhe trajneri Tomas Tuhel nuk ka ndërmend që të mbajë në skuadër Kepën, kështu është i gatshëm të ulet në bisedime me Napolin për të rënë në një marrëveshje së bashku.
