Uzina Dinamo, Rruga Memo Meto, Tiranë

Memorial për Shenjtoren Nënë Tereza/ Veliaj: Një ëndërr e bërë realitet, do të shërbejë si vend pelegrinazhi

c8371616f2464a6d853c4acb7f9decdb

Bashkia e Tiranës dhe Arqidioqeza Metropolitane Tiranë-Durrës nënshkruan një marrëveshje memorandumi për vendosjen e një memoriali për Shenjtoren shqiptare Nënë Tereza në kryeqytet.

Kryebashkiaku Erion Veliaj, bëri të ditur se ka nisur puna për ndërtimin e Shenjtores së Nënë Terezës mbi kodrat e Liqenit Artificial, në zonën e njohur si “Lapidari”.

Veliaj shtoi se Shenjtorja do të shërbejë si vend pelegrinazhi ku qytetarët mund të gjejnë një çast për të reflektuar.

Prej kohësh kemi pasur një ëndërr të madhe, për të vendosur në Tiranë një shenjtore të Nënë Terezës. Nuk besoj se ka moment më të mirë – 30 vite pasi Shqipëria ka vendosur marrëdhëniet me Vatikanin, 25 vite pas kalimit në amshim të Nënë Terezës, Shën Terezës, gruaja me trupin e vogël, por me veprën e madhe për t’i celebruar të gjitha këto.

Sot fillojmë rrugëtimin drejt ndërtimit të shenjtores së Nënë Terezës mbi kodrat e Liqenit Artificial, në zonën e njohur si “Lapidari”, ndaj është vërtet një bekim i madh për qytetin tonë.

Një vend pelegrinazhi, besimi, reflektimi dhe vëllazërie i shkon Tiranës sonë; një metropol, në të cilin pavarësisht se ka ngut, nxitim, garë e zell, në atë majë kodre duhet të ketë edhe një vend për të reflektuar, për t’u lidhur me gjërat e shenjta dhe të dëlira”, u shpreh Veliaj.

Arqipeshkvi Metropolit të Arqidioqezës Metropolitane Tiranë-Durrës, Imzot Arjan Dodaj tha se ndërtimi shenjtores ka gjetur bekimin dhe bashkëpunimin e qeverisë shqiptare dhe Selisë së Shenjtë dhe se do të jetë një pikë bashkimi për të gjithë.

Unë i jam shumë mirënjohës Zotit për këtë frymëzim, e pikërisht falënderoj zotin Kryetar të Bashkisë, Erionin, dhe zotin Kryeministër, sepse realisht kjo ide ka gjetur edhe bekimin dhe bashkëpunimin e qeverisë shqiptare dhe Selisë së Shenjtë. Nënë Tereza na bashkon të gjithëve. Kështu që mendoj se kjo pikë do të jetë një pikë bashkimi për të gjithë, pa asnjë formë ndasie ose kategorizimi“, u shpreh ai.

Sot (5 shtator), përkujtohet 6 vjetori i shenjtërimit të Nënë Terezës.

Related Posts

Leave a comment