Uzina Dinamo, Rruga Memo Meto, Tiranë

Hapja e dosjeve, Lea Ypi: Jemi vonë, të hidhet dritë mbi krimet e komunizmit

-640-0-1662799217xlea-581

Mendimtarja Lea Ypi u shpreh se hapja e dosjeve duhet të ishte kryer me kohë dhe është një proces i vonuar.

Ajo mori si shembull hapjen e dosjeve në Republikën Çeke që është bërë afër kohës kur kanë ndodhur dhe krimet ku procesi është mbyllur, nuk është monopolizuar dhe nuk është përdorur nga forca të ndryshme politike.

Ndërkohë në shtete ku hapja e dosjeve ka ndodhur më vonë, si për shembull në Poloni, Ypi tregoi se procesi është instrumentalizuar nga ana politike dhe e ka bërë shumë të vështirë kërkimin e të drejtës historike.

“Në Europën Lindore ka pasur diskutime shumë të gjata rreth mënyrës më të mirë për t’ju qasur këtij procesi (hapjes së dosjeve) që ka nga njëra  kërkesa për drejtësi dhe nga ana tjetër kërkesa për t’u bashkuar, për unitet midis dy ndarjeve shumë të rëndësishme të shoqërisë, midis familjeve komuniste dhe anti-komuniste,” – u shpreh mendimtarja.

Ypi theksoi se është shumë e rëndësishme të hidhet dritë mbi krimet e komunizmit. Sipas saj procesi i hapjes së dosjeve në Shqipëri duhet të bëhet me vullnet për kërkimin e të vërtetës dhe jo për të favorizuar njërin krah politik apo tjetrin.

Leave a comment