Uzina Dinamo, Rruga Memo Meto, Tiranë

Familja e Pogbas në kaos

4dd39b47-7315-4aaf-a242-2df0285a27a6

Pas kthesës së bujshme në hetimin e hapur nga policia franceze për grindjen brenda familjes Pogba, lind një sfond i ri dhe shqetësues për arsyet e arrestimit të katër të dyshuarve, mes të cilëve edhe njërit nga vëllezërit e Paul, Mathias.

Siç raporton “Rmc Sport”, në fakt, hetimi i hapur më 2 shtator nga Prokuroria Publike e Parisit për zhvatje me armë në një bandë të organizuar, rrëmbim apo pjesëmarrje në një grup kriminal, është përshpejtuar pasi hetuesit kishin frikë se një nga të arrestuarit të martën mund të ikte jashtë shtetit.

Tre nga katër personat e vendosur në paraburgim u arrestuan në fakt të martën, ndërsa Mathias Pogba thuhet se u dorëzua në polici të mërkurën, pak para se të vendosej në paraburgim.

Të arrestuarit, të cilët dyshohet se i kanë zhvatur paratë mesfushorit të Juventusit, janë ende në paraburgim, në ambientet e departamentit të policisë gjyqësore në Nanterre. Sipas ligjit francez, ndalimi policor për krime të dyshuara të një bande të organizuar mund të zgjasë deri në 96 orë, ndaj zhvillimet priten të shtunën.                                                                                                                                                                                                                                                                                                                                                                                                                                              Mathias Pogba mohon çdo përfshirje, por sipas hetuesve të OCLO (Zyra Qendrore për Luftën kundër Krimit të Organizuar) ai dyshohet të jetë një nga organizatorët e “bandës”. Arrestimi në fakt ishte i motivuar nga rreziku, sipas hetuesve, se Mathias mund t’iu jepte të burgosurve të tjerë informacion që do të lejonte gjetjen e Paul.

Leave a comment