Në këtë sezon, Juventus nuk ka pasur aspak një fillim të mirë, ku rezultatet e tregojnë më së miri këtë gjë.
Kupa u mbush në ndeshjen e fundit kur Juve u mposht nga Benfica në shtëpi me rezultatin 2-1. Tifozët shpërthyen në stadium dhe në rrjetet sociale duke kërkuar largimin e Allegrit, edhe pse eprorët e klubit i dhanë edhe një shans.
Tashmë, tifozët fillojnë të ëndërrojnë dhe të kërkojnë në stol Zinedine Zidane në vend të Allegrit. Një ëndërr e cila ndoshta nuk mund të realizohet, pasi francezi është duke pritur përfundimin e Botërorit me shpresën për të marrë drejtimin e kombëtares së Francës.
