Gjykata e Posaçme ka vendosur të japë dënimin burgim të përjetshëm për Festim Bexhdilin, i akuzuar për rrëmbimin dhe vrasjen e Jani Prengës.
Bexhdili rezulton të jetë njeriu kyç i cili ka informacion për vendin ku është varrosur trupi i Jan Prengës, por ai refuzoi ta tregojë dhe nuk ka shfaqur asnjë pendesë gjatë gjykimit.
Ai ishte kopshtar i nje resorti në Pjezës Shijak, nga garazhi i të cilit u transportua trupi i torturuar i Jan Prengës. Për të bashkëpandehurin e tij, Olsi Turja, i akuzuar për “pengim të zbulimit të të vërtetës” i cili u dënua me 3 vite burg.
Jan Prenga u rrëmbye janarin e 2020. Urdhrin për rrëmbimin sipas SPAK e dha Dritan Rexhepi dhe Gentian Doci Funiqi.
Rrëmbimi erdhi pasi vëllai i Jan Prengës vodhi një kontejner me drogë në Britaninë e Madhe. Sipas SPAK, Festim Bexhdili e dinte vendin ku kanë groposur trupin e Jan Prengës, por nuk e tregon atë.
