Shefi i spiunazhit të Mbretërisë së Bashkuar ka paralajmëruar njerëzit që të mendohen dy herë para se të përdorin TikTok dhe të kenë parasysh se çfarë informacioni ndajnë në aplikacion. Jeremy Fleming u bëri thirrje prindërve që të jenë të ndërgjegjshëm se si fëmijët e tyre po përdorin TikTok dhe ndajnë të dhënat e tyre personale.
Ai thotë se Partia Komuniste Kineze po përdor TikTok, i cili është në pronësi të kompanisë kineze ByteDance , për mundësi mbikëqyrjeje. Fleming iu rikujtoi atyre që përdorin aplikacionin se TikTok nuk ka asnjë të mirë falas dhe se njerëzit argëtohen për orë të tëra në këmbim të të dhënave të tyre. Ai thotë se duhet të jemi të kujdesshëm se ku i ndajmë të dhënat tona personale.
Nuk do t’i ndaloja fëmijët të përdorin TikTok, por do të flisja me fëmijën tim për mënyrën se si menaxhohen të dhënat në këtë aplikacion. Unë mendoj se është e rëndësishme që në moshë shumë të hershme që ne të kuptojmë se nuk ka asnjë të mirë falas këtu. Kur ne përdorim këto shërbime, ne po i shkëmbejmë të dhënat tona.
Kjo nuk është hera e parë që ngrihen shqetësime mbi përdorimin e të dhënave të TikTok. Vetëm muajin e kaluar, Zyra e Komisionerit të Informacionit (ICO) arriti në përfundimin se TikTok mund të kishte përpunuar të dhënat personale të fëmijëve nën moshën 13 vjeç pa pëlqimin e prindërve nga maji 2018 deri në korrik 2020. Raporti zbuloi se pronarët e ByteDance mund të kenë përpunuar në mënyrë të paligjshme të dhëna të kategorive të veçanta dhe nuk u ofronin përdoruesve informacion të qartë dhe konciz se si do të përdoren të dhënat e tyre.
