Trazira në burgun grek në Domoku. Mediat greke bëjnë me dije se ndërsa forca të shumta policia kanë mbërritur pranë kësaj qelie, problemi qëndron në krahun C2 të burgut, ku pjesa më e madhe e të burgosurve janë shqiptarë dhe arabë.
E gjithë trazira ka nisur në mesditë, ku fillimisht të burgosurit kanë refuzuar të hanë dhe më pas të futen në qeli.
Informacionet e LamiaReport thonë se dyshohet se arsyeja e kësaj ‘kryengritjeje”, është fakti se një shqiptari nuk i është dhënë leje për të dalë dhe për të vizituar familjen, ndërsa një tjetri i janë gjetur dhe konfiskuar një celular dhe dy thika të improvizuara.
