Ditën e sotme një koktej molotovi u hodh në drejtim të një motori të shërbimit të policisë nga persona me kapuç.
Sipas mediave greke, ngjarja ka ndodhur rreth orës 17:30.
Mësohet se grupi i personave të maskuar janë ngjitur nga rruga vertikale e spitalit AHEPA dhe kanë hedhur bomba molotov në drejtim të motoçikletës së shërbimit të EL.AS.
Motoçikleta, e cila ka qenë e parkuar jashtë shkollës stomatologjike të AUTH-së, është shkatërruar plotësisht.
Për shuarjen e zjarrit është mobilizuar një automjet i Shërbimit Zjarrfikës. Për fat të mirë nga ngjarja nuk ka pasur të lënduar.
