Kabllogrami i Ambasadës së SHBA zbulon politikanët e lidhur me krimin e organizuar (Emrat)

Të tri partitë kryesore, Partia Demokratike, Partia Socialiste dhe Lëvizja Socialiste për Integrim, të gjitha kanë deputetë me lidhje me krimin e organizuar….

“Tom Doshi, Lefter Koka, Sokol Olldashi, Lulzim Basha, Paulin Sterkaj e Gramoz Ruçi: I përkasin partive të ndryshme, por për Ambasadën e Shteteve të Bashkuara të Amerikës në Tiranë kanë një element të përbashkët. Janë të gjithë deputetë që kanë lidhje me krimin e organizuar” – shkruan në profilin e tij në FB gazetari i agjensisë investigative BIRN, Gjergj Erebara.

Për të mbështetur këtë, gazetari ka publikuar kodin e kabllogramit të Ambasadës Amerikane në Tiranë dhe një artikull mbështetës.

Kabllogrami i koduar 09TIRANA552  ka titullin “kriminelët bëjnë ligjin në parlamentin e Shqipërisë” dhe liston deputetët e të majtës e të djathtës me lidhje me krimin e organizuar.

Është firmosur nga ish-ambasadori Withers.

Kabllogrami konfidencial i Ambasadës publikuar nga Wikileaks

Më poshtë, teksti i tij, i përkthyer:

Kriminelët bëjnë ligjin në parlamentin shqiptar.

Pavarësisht qetësisë relative në Ditën e Zgjedhjeve, në vëmendjen tonë ka ardhur faktin se ka një numër të madh njerëzish të lidhur me krimin e organizuar të cilët kanë marrë pjesë ose janë përfshirë në manipulime të mundshme në zgjedhjet e 28 qershorit. [2009].

Të tri partitë kryesore, Partia Demokratike, Partia Socialiste dhe Lëvizja Socialiste për Integrim, të gjitha kanë deputetë me lidhje me krimin e organizuar. Ndonëse ambasada nuk mund të provojë ligjërisht këto lidhje, dituria konvencionale, e mbështetur nga raporte të tjera, tregon se parlamenti i ri ka disa trafikantë droge dhe pastruesh parash. Gjatë fushatës elektorale, një politikan, Aleks Keka, kreu vendas i Partisë Kristian Demokrate në Shqipërinë e veriut, u vra me një bombë në makinë.

Keka dyshohej se qe përfshirë në trafikimin e armëve dhe drogës. (Shënim: Keka nuk kandidoi për në parlament, megjithëse shumë anëtarë të tjerë të partisë së tij kandiduan).

Ligjthyes të kthyer ligjvënës

Disa nga deputetët më të njohur për lidhje me krimin e organizuar janë:

Tom Doshi: Një deputet socialist nga Shkodra, Doshi është i raportuar në Raportin për të Drejtat e Njerit sepse sulmoi një gazetar në hotelin Sheraton dhe qe një figurë kycce në financimin e fushatës elektorale të Partisë Socialiste. Ai është i njohur si deputeti më i pasur me një pasuri prej më shumë se 15 milionë dollarë dhe është gjithashtu i dyshuar për trafik droge. Doshi ka shërbyer në parlamentin e mëparshëm si deputet i PD-së dhe ndryshoi krah pak kohë para zgjedhjeve.

Lefter Koka: Përfaqëson LSI-në nga Durrësi, koka është një anëtar i ndoshta familjes së krimit të organizuar më të njohur në Shqipëri, me lidhje në narkotikë, trafikimin njerëzor e aktivitete të tjera ilegale.

Sokol Olldashi: Olldashi është ministri aktual i Punëve Publike, Transportit dhe Telekomunikacionit si dhe deputet i PD-së nga Fieri, është i dyshuar për kontrabandë mallrash dhe droge. Prova rrethanore e lidhin Olldashin dhe Fatmir Kajollin në Fier me Ministrin e Drejtësisë Enkelejd Alibeaj në një skemë për lirimin e të burgosurve nga burgu për të shërbyer si gangsterë zgjedhorë.

Lulzim Basha: Sipas një burimi nga Partia Socialiste, Ministri i Jashtëm Basha, i cili përfaqëson PD-në në Elbasan, është përfshirë në lehtësimin e lirimit nga burgu të kriminelëve të njohur në Elbasan në këmbim të mbështetjes nga familjet kriminale.

Të afërm të kriminelit premtuan të “organizojnë” njerëzit e tyre në Elbasan në mbështetje të Bashës. Krimineli u lirua më 29 qershor, ditën pas zgjedhjeve.

Paulin Sterkaj: Deputeti 48 vjeccar i Partisë Demokratike nga Shkodra është një ish-mundës profesional me pak ose aspak arsimim formal. Sterkaj ka qenë më herët deputet i PS-së dhe është akuzuar nga një ish-mik për vrasjen e një politikani në Shkodër disa vite më parë. Sterkaj pretendon se ka interesa biznesi në naftë, restorante dhe ndërtim, por shumë pak gjëra dihen mbi aktivitetet e tij.

Gramoz Ruçi: Deputet i PS-së dhe Sekretar i Përgjithshëm i kësaj partie, Rucci ka lidhje afatgjata me trafikantët e drogës dhe krimin e organizuar. Ruçi është ndaluar të hyjë në SHBA që nga viti 2005 për shkak se ka marrë refuzim permanent vize.

Koment: Ambasada nuk është e sigurtë se çfarë qëndrimi do të mbajë raporti i ODHIR mbi zgjedhjet kur të publikohet, por është gjerësisht e pranuar në vend se shumë deputetë që pozojnë si “biznesmenë” në fakt janë të dyshuar të fortë për lidhje me krimin e organizuar. Këto individë janë tashmë deputetë, kanë imunitet me ligj dhe janë përgjegjës për të bërë ligje që duhet t’i dërgojnë shqiptarët drejt Bashkimit Europian.

Sjellja e sëmurë dhe ndoshta kriminale e shumë deputetëve shqiptarë është shqetësues dhe nuk është e përshtashme për zhvillimet demokratike. Është gjerësisht i pranuar në Shqipëri se të gjitha partitë kanë deputetë me lidhje me krimin e organizuar dhe pranojnë para nga krimi i organizuar. Ky është një fenomen shumë shqetësuarqë ne dhe bashkësia ndërkombëtare do të duhet të përballemi në një pikë në të ardhmen. Një fakt pozitiv, gjithsesi, është se ka disa deputetë që kanë filluar të kuptojnë se Shqipëria nuk duhet të ketë personazhe të tilla në parlament.

Se sa kohë do të duhet për të hequr këto rufianë nga pushteti, kjo është një pyetje tjetër. Në fund të fundit, paraja është gjaku i politikës dhe në një vend të varfër dhe me fushatë pa transparencë financiare apo traditë të donacioneve të vogla në mbështetje të kandidatëve, kriminelët janë një burim i lehtë për fonde fushate.

WITHERS

https://diaryoftirana.com/kriminelet-bejne-ligjin-ne-parlamentin-shqiptar/?fbclid=IwAR0vljXJGGqHXivq7WkluJn7lkMJ5C7XkBwa1hbXEFaUry2-vkHhjruOpB8

 

Shpërndaje:

You May Also Like

Leave a Reply

Your email address will not be published. Required fields are marked *

nineteen − 10 =