Kishte kohë që përflitej se Aurela Hoxha është bërë nënë për herë të parë, por vetë ajo e ka konfirmuar lajmin e bukur vetëm së fundmi. Modelja e njohur vendosi që të ndante me ndjekësit e saj në “Instagram” disa foto ku shihej me bebin.
Është mësuar se Aurela së bashku me partnerin e saj biznesmen, Albanin, kanë mirëpritur në jetë një djalë.
Bukuroshja bionde e mbajti shtatzëninë të fshehtë duke mos ndarë asnjë imazh me ndjekësit e saj në rrjete sociale. Por tani ajo ka vendosur që të zbulojë sa më shumë nga periudha e bukur e pritjes së ëmbël.
Aurerla ka publikuar së fundmi foton e parë me barkun e rrumbullakosur. Ajo shfaqet duke pozuar gjysmë e veshur, ku gjoksin e ka mbuluar me dorë. Ajo zgjodhi emoji-n e një engjëlli për ta mbivendosur tek pjesa e barkut, duke iu referuar në këtë mënyrë djalit të saj.
Ndërkohë fansat kanë mbetur të habitur nga format trupore pas shtatzënisë. Hoxha është në super formë dhe elegante, nuk duket aspak sikur para disa javësh ka sjellë në jetë një foshje.
