Shifrat e të infektuarve me koronavirus në dy javët e fundit ka ardhur duke u rritur, ndonëse vijon procesi i vaksinimit masiv.
Kreu i Urgjencës Kombëtare Skënder Brataj ka folur për shifrat e të infektuarvëve në djavët e fundit, ku sipas tij këto shifra realisht janë më të larta se ato që raportohen.
Ai u shpreh se të prekurit shpesh herë ngatërrojnë shenjat me ftohjen dhe neglizhojnë të bëjnë testin e Covid-19, duke shtuar se të konfirmuarit pozitiv po shfaqin shenja të variantit Delta.
“Shenjat kryesore ngatërrohen më shumë me ftohjen, sidomos që tashmë njerëzit mendojnë se ajri i kondicionuar jep ato shenja që janë dhe tipike për variantin delta. Një gjë tipike është edhe diarreja. Për fatin e mirë nuk ka forma të rënda”, u shpreh Brataj.
Brataj u shpreh se variant Delta mund të jetë prezent në Shqipëri, pasi së fundmi është rritur ndjeshëm numri i rasteve të reja.
“Shpejtësia e përhapjes së tij është më e madhe dhe ka një % shumë të lartë si virus krahasuar me variantet e tjera duke e bërë dhe më të rrezikshëm në përhapje. Mund të jetë prezent në Shqipëri këtë e tregon dhe numri i rasteve të reja në vendin tonë”, ka shtuar ndër të tjera Brataj për ABC News.al
