Televizioni publik i Norvegjisë ka bërë mbrëmë një skandal të madh, duke e quajtur FC Prishtinën një klub nga Serbia.
Bodo/Glimt e eliminoi dje Prishtinën në Konferencë Ligë por gjatë komentimit të ndeshjes nga Televizioni Publik, komentuesit ju referuan FC Prishtinës si një klub nga një pjesë e Serbisë, një komentim skandaloz dhe i rrejshëm për publikun.
Megjithatë, gazeta kosovare “Blic” ka kontaktuar me televizionin dhe ata kanë kërkuar falje për llapsusin e bërë.
“Ju kërkojmë sinqerisht ndjesë për këtë gabim informativ. Ne do të kërkojmë falje për këtë publikisht në transmetimin e mbrëmjes. Sinqerisht, Cicilie, Shërbimi Publik”, thuhet në përgjigjen e tyre dërguar medias kosovare.
Kujtojmë se FC Prishtina pati një paraqitje të mirë në Europë këtë sezon dhe arriti të kualifikohet në rrethin e tretë të Konferencë Ligës, fazës më të lartë që ka arritur ndonjë skuadër nga Kosova në garat e Europës.
