Një vatër zjarri është aktivizuar sot në Mallakastër. Flakët me përmasa të mëdha janë prezente në fshatrat Gadurovë, Cerrilë dhe Selitë.
Si pasojë deri më tani janë djegur mbi 100 hektarë pyje dhe ullishte, ndërkohë që flakët po përhapen me shpejtësi për shkak të erës.
Zjarri i rënë rrezikon edhe lagjen Mushonjë në Cerrilë, ndërsa emergjencat civile dhe zjarrfikëset janë të angazhuar në terren për shuarjen e zjarrit dhe vënien e situatës në kontroll.
