Një pesëvjeçar ka vdekur në Poloni pasi ka ngrënë kërpudha helmuese derisa vëlla i tij gjashtëvjeçar mbetet në gjendje kritike.
Sipas medieve të huaja, mjekët në spitalin kryesor të fëmijëve në Poloni konfirmuan të enjten se djaloshi, i cili ishte evakuuar kohët e fundit nga Kabuli, kishte vdekur.
Vëllai i tij gjashtëvjeçar mbetet në Qendrën për Institutin e Shëndetit të Fëmijëve në Varshavë dhe iu është nënshtruar transplantit të mëlçisë.
Dy fëmijët dhe motra e tyre më e madhe u shtruan në spital javën e kaluar, pasi konsumuan kërpudhat pranë vendit ku po qëndronin.
Është bërë e ditur se familja kishte mbledhur kërpudha shumë helmuese në pyll rreth qendrës së refugjatëve në Podkoëa Lesna, pranë Varshavës.
Ndërsa vajza 17-vjeçare është liruar në gjendje të mirë, mjekët thanë se vëllai i madh kishte pësuar dëmtime të konsiderueshme në trurin e tij.
Prindërit e fëmijëve ishin gjithashtu në spital nën kujdes psikologjik. Prokurorët dhe policia në Poloninë qendrore po hetojnë incidentin.
Polonia kishte evakuuar familjen muajin e kaluar me kërkesë të Mbretërisë së Bashkuar pas marrjes së Afganistanit nga talebanët.
