Një lajm i trishtë erdhi sot për vogëlushin 5-vjeçar nga Saranda që u nis me urgjencë drejt Turqisë. Ai nuk mundi ta fitojë betejën me COVID-19.
Viktima më e re në Shqipëri, mësohet se vuante nga sëmundje bashkëshoqëruese bronkopneumonia, dhe mushkritë e tij ishin të dobëta, aty ku edhe virusi korona sulmon më ashpër.
Fëmija u trajtua pas problemeve me frymëmarrjen dhe temperaturës së lartë për 8 ditë në spitalin e Sarandës në reanimacion.
Për shkak të gjendjes së rëndë ai u transportua me helikopter drejt Tiranës ku mori trajtim për një javë tjetër.
Prej 4-5 ditësh, ai po mjekohej në Turqi, por nuk ka mundur të mbijetojë.
