Eric Zemmour, kandidati i ekstremit të djathtë për President të Francës është sulmuar në tubimin e tij të parë të fushatës.
Teksa 63-vjeçari lëvizte mes turmës drejt skenës, një person që gjendej mes njerëzve e kapi Zemmor nga qafa, përpara se oficerët e sigurisë të ndërhynin. Pas incidentit, ai vazhdoi me fjalimin e tij.
Mediat lokale raportojnë se mjekët i kanë urdhëruar nëntë ditë pushim.
Ish-gazetari dhe eksperti njihet për pikëpamjet e tij të diskutueshme mbi emigrantët dhe Luftën e Dytë Botërore.
Pas javësh spekulimesh, Zemmour njoftoi të martën kandidaturën e tij në zgjedhjet presidenciale franceze të vitit 2022.
Ndonëse rezultati i garës është ende i pasigurt, sondazhet e opinionit aktualisht sugjerojnë se Macron ka të ngjarë të mbajë pushtetin.
