Besimtarët ortodoksë në të gjithë Shqipërinë kremtuan Pashkën.
Në Vlorë, mesha e shenjtë u mbajt në Kishën e Shën Theodhorit dhe pjesë e ritualit ishin qindra besimtarë.
At Kostandin Prifi ka uruar Gëzuar Pashkët, “Krishti u ngjall.”
Pashka simbolizon ngjalljen e Jezu Krishtit. Ajo është dita më e rëndësishme në kalendarin fetar ortodoks dhe mesazhi i kësaj dite të madhe tregon fitoren e jetës mbi vdekjen, e dritës mbi errësirën, e dashurisë mbi urrejtjen.
Besimtaret ortodoks ne Sarande, festuan Pashken, në Kishën e Shën Harallambit. Besimtarët u rikthyen për të marrë flakën, pas dy vitesh mungesë për shkak të pandemisë.
Edhe në Lushnje, besimtarët kremtuan Pashkët në Kishën e Shën Gjergjit.
Me qirinjtë e lutjes në duar, që simbolizojnë dritën e përjetshme, ortodoksët në Lushnje kanë festuar Pashkët.
Pas meshës besimtarët e Krishterë janë drejtuar në shtëpitë e tyre me dritën e jetës dhe mesazhin Krishti u ringjall. Kjo është festa me e madhe e kalendarit liturgjik të Kishës Ortodokse dhe të kishave te tjera te cilat festojnë Ringjalljen e Jezusit.
