Yjet më të mëdhenj në botën e muzikës janë shfaqur në Las Vegas mbrëmjen e së dielës, për ceremoninë e 64-t të Çmimeve Grammy në MGM Grand Garden Arena.
Lady Gaga, Chrissy Teigen, Olivia Rodrigo dhe reperja Saweetie, ishin yjet që shkëlqyen në tapetin e kuq me fustanet e tyre.
36-vjeçarja Gaga u shfaq e veshur me një fustan mahnitës të “Armani Prive”, më një sup bardh e zi, duke i shtuar një gjerdan dimanti.
Ndërsa bashkëshortja e John Legend, 36-vjeçarja Chrissy, kishte zgjedhur një fustan rozë të theksuar, shumë voluminoz dhe me dekolte. Fustani ishte i Nicole+Felicia Couture.
19-vjeçarja Olivia mahniti të pranishmit dhe publikun me një fustan të zi dhe vjollcë të Vivienne Westwood Couture, me doreza. Ajo gjithashtu kishte shtuar edhe një gjerdan të guximshëm.
Reperja 28-vjeçare, Saweetie dukej shumë elegante me një fund të gjatë rozë dhe me reçipeta. Në duar ndërkohë mbante një palë doreza të gjata.
Por 28-vjeçarja nuk u shfaq vetëm me një fustan, pasi në tapetin e kuq parakaloi edhe me një veshje tjetër. Herën e dytë, Saweetie kishte zgjedhur një fustan me flluska tafta me porosi të Oscar de la Renta, me lule kristali.
