Një rimorkiator e cila ishte nisur nga Ankona për në Shqipëri u mbyt mbrëmjen e djeshme në ujërat e Adriatikut 50 milje larg brigjeve të Barit.
Tashmë janë konfirmuar dy të vdekur, trupat e të cilëve u gjetën pak momente më përpara, ndërsa raportohet se komandanti shpëtoi pasi u gjet në një gomone shpëtimi. Tre persona vijojnë të jenë të zhdukur.
Rmorkiatori “Franco P” i kompanisë Ilma, u nis mbrëmë për të mbërritur në Shqipëri, ku duhej të tërhiqte një varkë me 9 persona. Megjithatë, duket se gjatë operacionit diçka ka shkuar keq dhe varka u shkëput, fatmirësisht pa rrezikuar jetën e 9 pasagjerëve, ndërsa rimorkiatori u mbyt.
Nga sa mësohet, skafet patrulluese të Rojës Bregdetare të Barit po hasin me vështirësi në vendin e fundosjes për shkak të erës shumë të fortë. Ndërkohë nga Autoriteti Portual i Barit po kryhen kërkimet për tre personat e zhdukur.
