Një ngjarje e rëndë është regjistruar në Turqi, ku një burrë i maskuar si një personazh filmi i ka vënë vetes flakën.
Ngjarja ndodhi në Stamboll, në zonë në afërsi të kullës Galata, ku burri i veshur si personazhi i vdekjes në filma, lagu veten me benzinë dhe më pas ndezi zjarrin. I gjithë momenti u pa nga shumë banorët që ndodheshin në shesh të cilët nxituan për të bërë foto, e po ashtu dhe shumë fëmijë, që panë me detaje teksa burri përpëlitej mes flakëve. Askush nuk tentoi ta ndalonte apo të shuante flakët nga trupi i burrit, deri në momentin që ai ra në tokë, ku disa burra morën një fikse zjarri dhe shuan flakët nga trupi.
Çuditërisht burri shpëtoi mirë dhe ishte në gjendje të dëshmonte para autoriteteve. Ende nuk është zbardhur motivi se përse burri e ndërmori këtë veprim.
Kalimtarët deklaruan se nuk ndërhynë për shkak se menduan se gjithçka ishte një shfaqje, ndërsa lindën dhe shumë kritika për faktin se përse fëmijët u lejuan të shikonin skenën e rëndë.
