Ish-kryetari i bashkisë së Himarës, Vasil Bollano ka lënë spitalin dhe ka mbërritur në Gjykatën e Vlorës, dy ditë pasi përplasi për vdekje një të mitur në Llogara.
Pritet që në Gjykatë, Bollanos t’i komunikohet masa e sigurisë, për akuzën që rëndon mbi të, “Shkelja e rregullave të qarkullimit rrugor”, me pasojë vdekjen.
Aksidenti ndodhi dy ditë më parë në Llogora, ku ish-kryebashkiaku i Himarës, Vasil Bollano, duke drejtuar automjetin tip “Benz”, përplasi të miturin Elio Hamiti.
17-vjeçari ishte duke kaluar rrugën për të shkuar tek lokali i gjyshes së tij, i cili ndodhej në afërsi të fushës së sportit në Llogora. Në atë moment Vasil Bollanos ka kaluar në këtë aks rrugor dhe e ka përplasur.
Policia tha se Bollano shkeli rregullat e qarkullimit rrugor, por ende nuk dihet se cilin rregull.
