Një aksident i rëndë ka ndodhur pasditen e sotme rreth orës 17:00 në fshatin Mjedë, Vau Dejës, ku një automjet tip “Mercedes Benz” ka dalë nga rruga dhe ka përplasur dy këmbësorë.
Sipas policisë, automjeti i drejtuar nga shtetasi me iniciale G.B. humbi kontrollin, duke shkaktuar vdekjen e menjëhershme të shtetasit me iniciale Ndue Prengës 63 vjeç, dhe të Ndrekë Prengës 43 vjeç, i cili ndërroi jetë gjatë transportimit për në spital.
Drejtuesi i automjetit me iniciale G.B., është plagosur dhe ndodhet nën kujdesin mjekësor në spital, ku shoqërohet nga forcat e policisë. Pas marrjes së ndihmës mjekësore, ai do të dërgohet në Komisariat për procedurat ligjore.
Grupi hetimor po vijon punën për zbardhjen e rrethanave dhe shkaqeve të aksidentit tragjik.
