Del Vendimi i zbardhur i Gjykatës Kushtetuese për bazën detare të Sarandës
Është cënuar siguria kombëtare dhe operacionaliteti i Forcës Detare
Katër vendime gjukatash (GJKKO, GJKKO Apelit, GJL dhe GJK) me të njëjtin argument.
KM Rama i kishte quajtur tre vendimet e mëparëshme të gjykatave “absurde” dhe “skandaloze”.
Vendim nr. 79 datë 12.11.2024 (V-79/24)
Rrëzimin e kërkesës Shoqërisë “Marina Bay Saranda” SH.P.K., për shfuqizimi i vendimeve nr. 91, datë 24.02.2023 të Gjykatës së Posaçme së Shkallës së Parë për Korrupsionin dhe Krimin e Organizuar; nr. 09, datë 03.04.2023 të Gjykatës së Posaçme të Apelit për Korrupsionin dhe Krimin e Organizuar; nr. 00-2023- 1001, datë 15.06.2023 të Kolegjit Penal të Gjykatës së Lartë, për vënien në “sekuestro preventive të bazës Detare të Sarandës, si të papajtueshme me Kushtetutën e Republikës së Shqipërisë.
Gjykata Kushtetuese ndër të tjera vëren se (Paragrafi 48):
Kjo masë është vendosur në kuadër të procedimit penal të regjistruar nga Prokuroria e Posaçme mbi bazën e kallëzimit të shtetasit A.M. për veprime të paligjshme të kryera nga disa funksionarë publikë në procedurat e dhënies me qira të kësaj pasurie, të cilat ka dyshime se përbëjnë elemente të veprës penale “Shpërdorimi i detyrës”, të parashikuar nga neni i 248 KP-së.Nga ana tjetër, në rastin konkret Gjykata vëren se marrja e sekuestros i përgjigjet interesit publik edhe në drejtim të mbrojtjes së sigurisë kombëtare të lidhur me gatishmërinë dhe operacionalitetin e FD-së, në kushtet kur prona në fjalë është pjesë e PVP-së së pronave të KFD-së.
