Mali i Zi është shteti i parë në radhë që do të anëtarësohet në BE nga Ballkani perëndimor. Me këtë deklaratë, Marta Kos komisionerja e BE për zgjerimin bëri apel për konsensus dhe i kërkoi opozitës në Mal të Zi të mos bllokojë procesi e integrimit të vendit, për të cilin tha se duhet konsensus për reformat e nevojshme që vendi duhet të imlementojë për tu bërë anëtar me të drejta të plota në Union.
Synimi i vendit është mbyllja e kapitujve brenda 2026-ës tha Kos dhe për këtë po zhvillon një vizitë dy ditore në Mal të zi ku ka takuar Presidentin Jakov Milatović, kryeministrin Milojko Spajić, kreun e parlamentit Andrija Mandic dhe udhëheqës të opozitës.
Këtë të premte, Komisionerja për Zgjerimin vizitoi edhe qytetin e Cetinjes ku kreu homazhe për 13 viktimat që u vranë më 1 janar 2025. Në muajin shkurt Komisionerja për zgjerimin Marta kos do të vizitojë edhe Shqipërinë.
