Policia e Tiranës ka njoftuar se mbrëmjen e sotme, rreth orës 20:40, një ngjarje e rëndë ka ndodhur te “Pallati me Shigjeta” në rrugën “Myrte Zeneli” në Tiranë. Një automjet, i drejtuar nga Bujar Nasufi 56 vjeç, është qëlluar me armë zjarri. Si pasojë e të shtënave, drejtuesi i mjetit ka humbur jetën.
Një grup i posaçëm hetimor, nën drejtimin e Prokurorisë, ka mbërritur në vendngjarje dhe po punon për zbardhjen e rrethanave të këtij krimi, si dhe për identifikimin dhe kapjen e autorit apo autorëve të dyshuar.
Sipas burimeve, autorët dyshohet se janë larguar me motor drejt zonës së Selitës.
