Deputeti i Partisë Demokratike, Helidon Bushati është tërhequr nga kandidimi në Primare.
Përmes një postimi në rrjetin social, Facebook, ai shprehet se vendimi nuk është personal, ndërsa thekson se është një akt përgjegjësie politike dhe morale.
Postimi:
Të dashur miq,
Partia Demokratike është përballë sfidave të mëdha. Kjo forcë politike ja doli të kapërcejë momente të vështira që e vunë deri në provën e ekzistencës. Sot demokratët janë të bashkuar dhe po bëhen gati për zgjedhjet jetike për vendin, ato të 11 Majit.
Përveçse për angazhim, koha është dhe për reflektim. Së shpejti, Partia Demokratike do të hyjë në një proçes të rëndësishëm, atë të primareve.
