Dashnor Sulës nuk i del inati me Berishën: Në selinë blu ‘SPAK’-istët janë problematikë, duhen përjashtuar

2 Minuta Lexim

Deputeti demokrat Dashnor Sula ka reaguar sërish pasi Sali Berisha e përjashtoi nga lista e kandidatëve për deputetë për zgjedhjet e 11 majit.

Në një postim në Facebook, Sula shkruan se 6 nga 7 bashkitë e Elbasanit janë të papërfaqësuara në listën e PD, edhe pse rendit se bashkitë Peqin, Belsh, Cërrik, Gramsh, Librazhd, Prrenjas i çuan PD 26.583 vota në zgjedhjet e 2021.

Edhe pse ishte ndër më të votuarit në primaret e qarkut Elbasan, Sula u la jashtë listave, ndërsa thotë se javët e fundit është përpjekur që të ketë kontakt me Berishën dhe besnikët e tij, por vendimi ishte marrë që këto bashki të mos kishin përfaqësues në Kuvend.

Më tej, Sula shkruan se në selinë blu, “SPAK”-istët janë problematikë dhe duhen përjashtuar.

“6 nga 7 bashkitë e Qarkut Elbasan në listën e PD janë të papërfaqësuara

Nē zgjedhjet e 2021 bashkitē Peqin, Belsh, Cërrik, Gramsh, Librazhd, Prrenjas i çuan Partisë Demomratike 26.583 vota, mjaftushëm për tre mandate deputetësh në Parlament.

Por pavarësisht këtij fakti kaq të rëndësishëm pas 11 majit këta qytetarë nuk do të kenë asnjë përfaqësues në Parlament sepse në listën e mbyllur të PD në Elbasan nuk ka asnjë kandidat që përfaqëson këto zona.

Në primaret e Partisë Demokratike, demokratët e bashkisë Peqin, Belsh, Cërrik, Gramsh e zgjidhën kandidatin me të cilin donin të përfaqësoheshin duke më nxjerrë më të votuarin e qarkut, por në selinë blu “SPAK-istët” janë problematik dhe duhen përjashtuar nga lista e mbyllur dhe ajo e hapura.

Pavarësisht  përpjekjeve të vazhdueshme nga ana ime  për të pasur kontakt javën e fundit për listat me kryetarin dhe të tjerë afër tij, vendimi nga ana e tyre ishte marrë që këto bashki më mirë mos të kishin asnjë përfaqësues se sa të isha unë ai”, shkruan Sula.

Lajme të ngjashme

Shpërndaje këtë artikull