Vlerësimi ka qenë gjithmonë aty, martesa nuk u realizua kurrë. Sandro Tonali dhe Juventusi janë afruar gjithmonë, por kurrë nuk janë zgjedhur përfundimisht. Kur mesfushori u transferua nga Brescia te Milani, bardhezinjtë u përpoqën të prishnin punë, por zemra e Sandros i përket “Djallit”.
Sot, pas transferimit në Angli, Tonali nuk do ta përçmonte një rikthim në Itali, përfshirë Juventusin. Gjithçka varet nga raporti mes dy klubeve: Juve dhe Newcastle kanë marrëdhënie të shkëlqyera (operacioni Kelly ka hapur një kanal mes dy klubeve) dhe me vullnetin e mirë të të gjithëve, mund të gjendet një zgjidhje për të mbyllur një marrëveshje me kosto të përballueshme.
Ndoshta duke futur në operacion edhe Douglas Luiz që nuk po shkëlqen në Torino dhe ka lënë një kujtim të shkëlqyer në Angli.
