Dështon sërish seanca konstituive në Kuvendin e Kosovës, ku Lëvizja Vetëvendosje propozoi sërish Albulena Haxhiun si kryeparlamentare.
Haxhiu nuk mori votat e nevojshme për t’u zgjedhur në këtë post. Ajo mori 57 vota pro, katër më pak se 61 të nevojshme.
Kryesuesi i seancës Avni Dehari njoftoi se në sallë ishin të pranishëm 117 deputetë, nga të cilët 57 pro, 46 kundër dhe 3 abstenim.
Më herët, deputeti i Lëvizjes Vetëvendosje, Hekuran Murati, njoftoi se nuk ka marrëveshje konsensuale për zgjedhjen e kryetarit të Kuvendit nga takimi mes kryesuesit të seancës konstituive, Avni Dehari, dhe përfaqësuesve të partive partitë parlamentare.
“Qëndrimet, më sa pamë nga konsultimi, ishin të njëjta”, tha Murati.
