Tregjet në Azi dhe Australi kanë përjetuar rënie për të dytën ditë radhazi, ndërsa shqetësimet për një rënie globale janë intensifikuar nga tarifat e vendosura nga administrata e Donald Trump. Tregjet amerikane gjithashtu u mbyllën me humbjen më të madhe njëditore që nga përhapja e pandemisë Covid-19 në 2020.
Pavarësisht ndikimit negativ në tregjet globale, Trump ka theksuar se vendosja e tarifave po zhvillohet “shumë mirë” dhe ka parashikuar se “tregjet do të lulëzojnë” sipas skemës së tij të re. Kjo pas rënies së indeksëve kryesorë amerikanë si Dow Jones, Nasdaq dhe S&P të enjten.
Nga Pekini në Bruksel, liderët botërorë kanë shprehur angazhimin për t’iu përgjigjur tarifave minimale prej 10% për importet globale që SHBA-ja do të vendosë në fuqi nga nesër. Tarifat më të larta, përfshirë 20% për Bashkimin Europian dhe 54% për Kinën, do të fillojnë të aplikohet nga data 9 prill.
Këto zhvillime kanë ngritur shqetësime të mëdha për pasojat ekonomike, pasi shumë ekspertë paralajmërojnë për mundësinë e një sërresh të masave të ndërsjella që mund të çojnë në një luftë tregtare globale me ndikim të thellë në ekonomitë ndërkombëtare.
