Shqipëria do të ketë një taksim prej 10% për gjithë eksportet drejt SHBA-ve.
Vendimi i fundit i presidentit amerikan, Donald Trump, për të tarifuar teknikisht gjithë botën, e ka futur në listën e gjatë të shteteve edhe Ballkanin Perëndimor dhe Shqipërinë rrjedhimisht.
Sipas listës së publikuar, 10% do të jetë tarifimi për mallrat e eksportuara nga Shqipëria drejt SHBA-ve, sipas urdhrit të ri ekzekutiv të Trump, i cili do të hyjë në fuqi më 5 prill.
Por, cili është fluksi tregtar mes dy shteteve dhe sa mund të ndikojë kjo në këtë raport?
Sipas të dhënave të publikuara për vitin 2024, Shqipëria është më së shumti importuese nga SHBA-të, ku vlera arriti në 20.5 miliardë lekë. Kjo i bën SHBA-të partnerët e pestë në Shqipëri për nga vlera e importeve.
Megjithatë këto importe ishin tashmë nën tarifa 10% nga Shqipëria.
Aty ku ndikon, janë eksportet, të cilat kapën vlerën e 7 miliardë lekëve, duke i bërë SHBA-të partnerët e 13-ë për nga pesha e eksporteve shqiptare.
Këto pësuan një rënie në vitin 2024 krahasimisht me 2023-shin, në një kohë kur importet nga SHBA-të shënuan rritje.
Në vitin 2023, vlera e eksporteve shqiptare përtej oqeanit kapi shifrën e 9.7 miliardë lekëve. Pra, 2.7 miliardë lekë më pak ishin eksportet në vitin 2024.
Sektorët që do të goditen në Shqipëri nga kjo do të jenë kryesisht ato të produkteve ushqimore, të cilat kanë edhe peshën më të madhe.
Por një aspekt me rëndësi do të jenë edhe bimët mjekësore, të cilat Shqipëria i eksporton në masë drejt SHBA-ve. Me tarifat e reja 10% të vendosura dhe duke parë edhe faktin se tregtia e bimëve medicinale është e kushtueshme, ky sektor pritet të ketë një goditje më të rëndë, e cila mund të reflektohet më së shumti edhe në çmimet që do të rriten për konsumatorët amerikanë.
Pavarësisht kësaj, kjo nuk do të thotë se prodhuesit shqiptarë nuk do të dekurajohen, pasi një taksim doganor prej 10% mund t’i lërë ata në mëdyshje për të ardhmen.
Prej vitit 2012 Shqipëria ishte në një listë prej 128 vendesh, të cilat përfitonin nga një sistem preferencial të heqjes së detyrimit doganor në SHBA për një gamë të gjerë produktesh.
Nga 5 prilli, jo më
