Tepsi Urbane

2 Minuta Lexim
Nga Endri Marku-
Disa muaj me pare pasi po lexoja termat e references per konkursin e stadiumit Dinamo, u frymëzova për dy vizatime, njëri në New York dhe tjetri tek hapësira në fjalë. Këtë të dytin nuk e publikova pasi nuk më pëlqeu, prej këndit që kisha zgjedhur ose nga fakti që ishte i vështirë të identifikohej vendi prej mbivendosjes.
Para shumë vitesh tek kjo hapësirë po bënin një aktivitet hipizmi, kur e pashë më dha një ndjesi zhvillimi, Tirana atë ditë më ngjau me qytetet përtej Adriatikut.
Këtë dimër aty vendosën një Cirk të cilin me gjasë pak familje e kanë lënë pa vizituar.
Gjatë tërmetit të 2019-ës stadiumi i Durrësit u kthye në shtab emergjencash. Po sikur dëmet në Tiranë të kishin qenë po aq të mëdha ku do ta bënin vallë?
Federata Shqiptare e Futbollit ka një muaj që poston gjithë krenari se si shtron me bar sintetik një trekëndësh që i kishte tepruar pa e zëne tek cepi i kompleksit të vet. Qoshja buzë rruge do të përdoret për futbollin e moshave. Ndërkohë tek aneksi i stadiumit Dinamo ka 10 vjet që nuk shkel ekip me këmbë.
Me këto ritme shpejt do ndërtojmë një interier urban.

Lajme të ngjashme

Shpërndaje këtë artikull