U dhunua dhe u mor peng në Lezhë, zbardhet dëshmia e Dod Gjokës: Patëm një konflikt të çastit

1 Minuta Lexim

“Me tre personat kemi patur një konflikt të çasti dhe nuk jam në gjendje të flas më shumë”. Kështu është shprehur para hetuesve, 35-vjeçari, Dod Gjoka i cili u dhunua dhe u mor peng për rreth dy orë mesditen e së enjtes, pranë parkingut të një lokali në aksin rrugor Lezhë-Milot.

Pasi policia ngriti pika kontrolli akset rrugore drejt Tiranës, Shkodrës dhe Kukësit, autorët e kanë zbritur 35-vjeçarin nga makina.

Ndërkohë policia ka ushtruar kontrolle gjatë gjithë natës me qëllim kapjen e autorëve të kësaj ngjarje, shtetasve me iniciale K. P., B. V. dhe Xh. E banues në Tresh, por blutë nuk kanë arritur ende të bien në gjurmët e tyre.

Dyshimet janë se ata mund të jetë fshehur në zonen e Mirditës, ndërsa në lidhje me ngjarjen po vijojnë hetimet.

35-vjeçari u mor nga blutë dhe u dërgua për ndihmë mjekësore në Urgjencën e Spitalit të Lezhës, ku ndodhet nën kujdesin e bluzave të bardha fatmiresisht jashtë rrezikut për jetën.

Me përmiresimin e gjendjes shëndetësore pritet të merret sërish në pyetje nga hetuesit për më shumë detaje rreth ngjarjes.

Lajme të ngjashme

Shpërndaje këtë artikull