Ukraina ka sulmuar fushën ajrore Kubinka, shtëpia e ekipeve akrobatike ruse “Kalorësit dhe Strizhi”, të cilat janë planifikuar të marrin pjesë në segmentin ajror të paradës së 9 majit në Moskë.
Një tregues ky i qartë se parada e Putinit mund të jetë në rrezik dhe kjo edhe pasi presidenti ukrainas, Volodymyr Zelensky, nuk ofroi garanci se Ukraina nuk do të sulmojë.
Dronët goditën gjithashtu bazën ajrore Shaikovka në rajonin e Kalugës.
Por kjo nuk është e gjitha – sulmet me dronë gjatë natës goditën ndërmarrje strategjikisht të rëndësishme të lidhura me mbrojtjen:
-Uzinën më të madhe të prodhimit të raketave në Rusi për sisteme raketash me shumë lëshime, Splav në Tula, dhe Byronë e Dizajnit të Instrumenteve – një nga vendet kryesore të industrisë së mbrojtjes në vend.
-Një fabrikë prodhimi të fibrave optike në Saransk.
Sulmet me dronë prekën rajonet Mordovia, Kursk, Bryansk, Kostroma, Tula, Yaroslavl dhe Voronezh. Ndërkohë, aeroportet ruse panë turma masive ndërsa fluturimet u anuluan ose u vonuan.
