Presidenti i SHBA-së, Donald Trump u shpreh se si Izraeli ashtu edhe Irani kanë shkelur armëpushimin në Lindjen e Mesme.
Duke folur me gazetarët përpara se të nisej për në samitin e NATO-s në Hagë, ai tha se nuk është “i kënaqur” me Izraelin dhe Iranin, përpara se të shtonte se është “vërtet i pakënaqur” me Izraelin”.
Trump shton se kapacitetet bërthamore të Iranit janë “zhdukur” dhe thotë se Teherani nuk do ta rindërtojë kurrë programin e tij bërthamor.
Në një postim të mëvonshëm në Truth Social, Trump shkruan: “Izrael, mos i hidhni ato bomba. Nëse e bëni, është një shkelje e rëndë. Kthejini pilotët në shtëpi, menjëherë!”
