Edi Rama: Studioi në Harvard me bursë greke – “Mosmirënjohës, i pashpirt” thotë Tzavella.
Kjo eshte deklarata e forte qe publikohet nga media online “Athens Voice” ne Greqi, ku shkruhet se: “Edi Rama: Studioi në Harvard me bursë greke – “Mosmirënjohës, i pashpirt!”
Një aspekt i panjohur i karrierës së kryeministrit shqiptar Edi Rama u bë i ditur nga ish-deputetja e Demokracisë së Re, Niki Tzavella. Në jehonën e deklaratave të Edi Ramës për grekët, me rastin e një gabimi verbal të një gazetari greko-amerikan, Niki Tzavella e cilësoi kryeministrin shqiptar si “mosmirënjohës, i pashpirt”, pasi ai kurrë nuk e vlerësoi faktin që studioi në Universitetin e Harvardit me një bursë të një institucioni grek. Nga pozicioni që kishte më parë në Fondacionin Kokkali, Niki Tzavella kishte miratuar vetë bursën, pasi Rama e përmbushte kushtin, për shkak se nëna e tij është greke.
Ish-deputetja e Demokracisë së Re e karakterizon sot atë vendim si “gabimin më të madh” të saj.
“Prandaj e urren Greqinë. Sepse nga një kryetar bashkie gjysmë i egër i Tiranës, u shkollua në Amerikë”, pohon zonja Tzavella dhe i referohet shprehjes: “nuk ka armik më të sigurt se ai që është përfitues”.
Sipas zonjës Tzavella, kushti kryesor për të marrë këtë bursë duhej të ishte origjina minoritare. Kryeministri shqiptar e përmbushte këtë kusht, pasi nëna e tij është greke, ndërsa ajo sot e cilëson këtë përzgjedhje si “gabimin më të madh”.
Sipas Athens Voice, zonja Tzavella shkruan:
“Tridhjetë vjet më parë nuk ishte figurë e diskredituar. E përzgjodha duke u bazuar në njohjen time shumë të mirë të Shqipërisë, për shkak të punës sime të mëparshme atje. Ishte gjysmë minoritar, kishte kushtet e kërkuara (ishte kryetar bashkie – gjë që nuk e kishin minoritarë të tjerë. Ishte e detyrueshme të ishte figurë institucionale) dhe ishte sigurisht i aftë.
Shqiptari tjetër që shkolluam arriti të bëhej ministër i Financave; ia kisha pagëzuar fëmijën (ai vdiq i ri). Nuk kishte asnjë qëllim të fshehtë. Për më tepër, në Evropën Juglindore atëherë ishin shumë të paktë ata që i plotësonin kushtet për arsimim në Harvard. Do të habiteni po të shihni se cilët politikanë të Evropës Juglindore dolën nga ky fondacion.”
Deklarimi i zonjes Xhavella,( e cila mund te dyshohet per origjinen e saj nga Himara kala, zbulon edhe skemen se si fondacioni injohur i oligarkut grek ka investuar per ndikimin dhe promovimin e elitave politike ne vendet fqinje per interesa ndikimesh edhe nga Greqia.
