Shtëpia e Bardhë ka reaguar të mërkurën lidhur me vendimin e Vatikanit për tè mos u bashkuar dhe për të mos marrë pjesë me shtetet e tjera në “Bordin e Paqes”. Shtëpia e Bardhë u shpreh se ishte thellësisht për të ardhur keq që Vatikani mori këtë vendim.
“Nuk mendoj se paqja duhet të jetë partiake, politike apo kontraverse dhe, sigurisht, administrata dëshiron që të gjithë ata që u ftuan të bashkohen me Bordin e Paqes të bashkohen sepse, përsëri, bordi i paqes po mbikëqyr rindërtimin e një territori që është pllakosur me dhunë, me gjakderdhje, me varfëri për një kohë shumë të gjatë”, u tha gazetarëve sekretarja e shtypit e Shtëpisë së Bardhë, Karoline Leavitt.
Bordi, i cili do të kryesohet për një kohë të pacaktuar nga Trump, fillimisht ishte krijuar për të mbikëqyrur rindërtimin e Gazës. Megjithatë, objektivi i tij është zgjeruar që atëherë për ta bërë bordin një organ global paqeruajtës. Papa Leo XIV u ftua të bashkohej me bordin muajin e kaluar.
Kardinali Pietro Parolin, sekretari i Shtetit i Selisë së Shenjtë, u tha gazetarëve se ata nuk do ta pranojnë ftesën , duke shtuar se ishin të hutuar nga disa pika të planit dhe se çështjet kritike duheshin zgjidhur.
Vatikani ka shprehur gjithashtu shqetësim se Bordi i Paqes i Trump mund të zëvendësojë punën që po bëhet nga Kombet e Bashkuara.
