-Tirana hap “Verbum Mundi”: dialog ndërkombëtar mes kulturës, gazetarisë dhe angazhimit shoqëror
Tirana – Në kryeqytetin shqiptar u zhvillua eventi inaugurues i projektit ndërkombëtar “Verbum Mundi”, i promovuar nga VerbumlandiArt APS dhe i realizuar në bashkëpunim me Unionin e Gazetareve Shqiptare.
Një aktivitet i nivelit të lartë që mblodhi përfaqësues italianë dhe shqiptarë në emër të dialogut ndërkulturor dhe bashkëpunimit mes popujve.
Hapja zyrtare e nismës u shënua nga Regina Resta dhe Aleksandër Çipa, protagonistë të një takimi që hodhi themelet e një rrjeti kulturor ndërkombëtar të orientuar drejt vlerësimit të ekselencave në fushat e letërsisë, artit, gazetarisë dhe angazhimit shoqëror.
Projekti “Verbum Mundi” u prezantua si një hapësirë autoritative për dialog dhe bashkëpunim, i bazuar mbi vlera të përbashkëta si paqja, drejtësia, dinjiteti njerëzor dhe përgjegjësia kulturore.
Tema që, në kontekstin global aktual, u theksuan vazhdimisht gjatë ndërhyrjeve, duke nënvizuar nevojën për krijimin e hapësirave të dialogut të vërtetë dhe të qëndrueshëm.
Një nga momentet kryesore të ditës ishte ceremonia e ndarjes së çmimeve për personalitete që janë dalluar në fushat përkatëse.
Mes të vlerësuarve ishin shkrimtare, studiues, publiciste, perkthyes si Xhevahir Spahiu, Virion Graci, Behar Gjoka, Namik Dokle, Viola Isufaj, Engjell Seriani, Erion Kristo, Flutura Acka, Mujo Bucpapaj, Aleksander Çipa dhe Artur Nura, te cilet u vleresuan nga VerbumlandArt me cmime te ndryshme si dhe me Çmimin e Veçantë të Ekselencës për disa sfera dhe Gazetarinë, duke dëshmuar vëmendjen e projektit ndaj vlerës së informacionit ndërkombëtar dhe dialogut mes sistemeve të ndryshme mediatike.
“Verbum Mundi përfaqëson një vizion të gjerë dhe konkret: krijimin e lidhjeve reale mes kulturave të ndryshme, duke vlerësuar meritën dhe duke promovuar një kulturë të përgjegjësisë dhe dialogut” – deklaroi Regina Resta gjatë aktivitetit, duke theksuar se Tirana është vetëm hapi i parë i një rruge ndërkombëtare që do të përfshijë vende të tjera evropiane dhe jashtë Evropës.
Projekti parashikon një seri ndalesash dhe itinerare, me aktivitete të nivelit të lartë kulturor dhe institucional, të konceptuara si momente takimi mes institucioneve, intelektualëve dhe operatorëve kulturorë, me qëllimin për të ndërtuar një komunitet ndërkombëtar të bazuar mbi ndarjen e vlerave dhe bashkëpunimin mes ekselencave.
Delegacioni italian, i pranishëm në numër të madh, përfshinte ndër të tjerë Mirella Cristina, Francesco Lenoci, Eugenio Bisceglia, Maria Pia Turiello, Vinicio Leonetti, Tommaso Filieri dhe Angela Kosta.
Perkthyeses dhe shkrimtares Kosta me kete rast iu percoll edhe cmimi i UGSH “Branko Merxhani” per gazetarine kulturore dhe si nje kontributore e vecante ne kuader te eskpresionit kulturor italo-shqiptar.
Nderkohe qe u paraqit edhe vellimi i ri me poezi i poetes italiane Regina Resta, perkthyer nga Angela Kosta me parathenie nga poeti Aleksander Çipa, per te cilin foli studiuesi Gjoka dhe perkthyesja.
Me këtë aktivitet të parë, i cili u moderua nga gazetarja, poetja dhe moderatorja e njohur televizive nga Prishtina zonja Alketa Gashi Fazliu, “Verbum Mundi” synon të bëhet një pikë referimi në panoramën kulturore ndërkombëtare, duke forcuar rolin e VerbumlandiArt APS si një realitet dinamik dhe aktiv në promovimin e dialogut mes kulturave.
